दिपावली सुर संध्या कार्यक्रम साजरा*
*दिपावली सुर संध्या कार्यक्रम साजरा*
*सुहास पांचाळ / पालघर जिल्हा प्रतिनिधी*
वसई /निर्मळ : वसई निर्मळ येथील जीवन विकास मंडळातर्फे वसईत दिवाळी निमित्त ‘दिपावली सुर-संध्या’ कार्यक्रमाचे आयोजन करण्यात आले होते. रविवार २३ ऑक्टोबर रोजी संध्याकाळी ५.३० वाजता समाज सेवा मंडळ, निर्मळ येथे झालेल्या या कार्यक्रमात वसई परिसरातील उभरत्या गायक-गायिका आणि वादकांचा सहभाग होता, त्यांनी गायलेल्या जुन्या मराठी-हिंदी सदाबहार गीतांनी श्रोत्यांना मंत्रमुग्ध केले. संगीत संयोजन सुशील पेंढारी, स्वरयात्रा ग्रुप यांनी केले तर आपल्या बहारदार निवेदनाने सॅबी परेरा यांनी कार्यक्रमाची रंगत वाढवली. कार्यक्रमाचे स्वागत-प्रास्ताविक जॉन टी. परेरा ह्यांनी व आभार प्रदर्शन ख्रिस्तोफर रिबेलो ह्यांनी केले. विनामूल्य असलेल्या ह्या संगीत मैफिलीत रसिक प्रेक्षकांनी बहुसंख्येने सामील होऊन सप्त सुरांत न्हाऊन दिवाळीचा आनंद साजरा केला, मंडळातर्फे प्रेक्षकांचे आभार मानण्यात येत आहेत.