सहा बकऱ्या चोरणाऱ्या दोघा महिलांना एमआयडीसी पोलीसांनी अटक
जळगाव: प्रतिनिधी शाहिद खान
जळगाव शहरात चोरीच्या सहा बकऱ्यांसह चोरणाऱ्या शिरसोली येथील दोघा महिलांना एमआयडीसी पोलिसांच्या गुन्हे शोध पथकाने अटक केली आहे. चोरी करणाऱ्या दोघा महिलांनी चोरीच्या गुन्हा बुलढाणा जिल्हातील मोताळा तालुक्यातील बोराखेडी येथे केला होता.
चोरी केलेल्या बकऱ्या जळगाव येथे गोरांच्या बाजारात विक्रीसाठी आणल्या असतांनाच दोघी महिला पोलिसांच्या जाळ्यात अडकल्या.
उषा पांडुरंग काटे, (वय-५०) , आणि सपना रवींद्र गोंधळी, दोन्ही रा. शिरसोली जळगाव, अशी अटक करण्यात आलेल्या दोघा महिलांचा नावे आहेत.
अधिक माहिती आशी की, ४ मार्च रोजी सकाळी एमआयडीसी पोलीस ठाण्याचे पो.हे.कॉ अल्ताफ पठाण आणि पो.कॉ विशाल कोळी, हे दोघे ॲटी स्नॉचिंग ड्युटी कमी आजार होते.
दरम्यान दोन महिला चोरीच्या सहा बकऱ्या विक्री करण्यासाठी गौरांच्या बाजारात आल्या असल्याची गोपनीय माहिती पो.हे.कॉ अल्ताफ पठाण यांना समजली. मिळालेल्या माहितीच्या आधारे दोघांनी बाजारात जाऊन खात्री केली दहा वाजता दोघा महिलांच्या संशयास्पद हालचाली पो.हे.कॉ अल्ताफ पठाण यांच्या पार्टी नजरे हेरल्या. याबाबतची माहिती पो.हे.कॉ अल्ताफ पठाण यांनी पो.नि जयपाल हिरे यांच्या कळवली. पो.नि जयपाल हिरे यांनी आपल्या पथकाला पो.हे.कॉ अल्ताफ पठाण आणि विशाल कोळी, यांच्या मदतीला रवाना केले. उषा पांडुरंग काटे आणि सपना रवींद्र गोंधळी, या शिरसोली येथील दोघा महिलांची सखोल चौकशी केली असता त्यांनी आपला गुन्हा कबूल केला. दोघा महिलांच्या ताब्यातील बकऱ्या चोरीच्या गुन्हा बुलढाणा जिल्ह्यातील बोराखेडी पोलीस ठाण्यात दाखल असलेल्याची माहिती समजली. बोराखेडी पोलीस ठाण्यात संपर्क सादर त्यांच्या ताब्यात दोघा महिलांना देण्यात आले. पोलीस निरीक्षक जयपाल हिरे यांच्या पथकातील पोलीस उपनिरीक्षक आनंदसिंग पाटील, सहायक फौजदार अतुल वंजारी, पो.हे.कॉ अल्ताफ पठाण, दत्तात्रय बडगुजर, विशाल कोळी, राहुल रगडे, सचिन पाटील, म.पो.कॉ राजश्री बाविस्कर, मंगला तायडे, आशा सोनवणे, महिला होमगार्ड, ललिता फिरके, इंगळे आदींनी या कारवाईत सहभाग घेतला.
