दोन डंपर मधून डिझेलची चोरी करणाऱ्या दोन चोरट्यांना एमआयडीसी पोलिसांनी ताब्यात
प्रतिनिधी शाहिद खान
जळगाव शहरातील एल.एच शाळेच्या बाजूला रोडवर उभ्या डंपरमधून ३८ हजार रुपये किमती ४०० लिटर डिझेल चोरी करताना दोन जणांना पकडले होते असुन दोघांना एमआयडीसी पोलिसांच्या स्वाधीन करण्यात आले आहे. या प्रकरणी गुरुवारी २ मार्च रोजी सायंकाळी ७ वाजता दोघांवर एमआयडीसी पोलीस ठाण्यात गुन्हा दाखल करण्यात आला आहे. एमआयडीसी पोलिसांनी दिलेली माहिती अशी की,
शहरातील आदर्श नगरात राहणारे मयूर रवींद्र चौधरी, (वय-२९) यांचे मालकीचे डंपर क्रमांक (एमएच १९ झेड ४७२३ आणि (एम एच १९ झेड ८०२४) हे दोन डंपर शहरातील अनेक शाळेच्या जवळ पार्किंगला लावलेले होते. गुरुवार २ मार्च रोजी पहाटे ४ वाजेच्या सुमारास प्रवीण हंसराज राठोड आणि ज्ञानेश्वर उखा राठोड दोन्ही रा. रामदेववाडी ता. जि. जळगाव हे दोघेजण डंपर मधून डिझेलची चोरी करताना रंगेहात पकडले आहे. त्यांचे अधिक चौकशी केली असता दोघांना गेल्या दोन महिन्यापासून वेळोवेळी उभे असलेल्या डंपर मधून सुमारे ३८ हजार रुपये किमतीचे ४०० लिटल डिझेल वेळोवेळी चोरून नेल्याची माहिती समोर आली आहे. दोघांना पकडून एमआयडीसी पोलिसांच्या स्वाधीन करण्यात आले आहे. याप्रकरणी गुरुवार २ मार्च रोजी सायंकाळी ७ वाचता मयूर रवींद्र चौधरी रा. आदर्श नगर यांनी दिलेल्या फिर्यादीवरून एमआयडीसी पोलीस ठाण्यात संशयित आरोपी प्रवीण हंसराज राठोड आणि ज्ञानेश्वर उखा राठोड, यांच्या विरोधात गुन्हा दाखल करण्यात आला आहे. पुढील तपास पो.हे.कॉ नितीन पाटील करीत आहे.
