जळगाव शहरात उस्मानिया पार्क येथील २१ वर्षीय विवाहितेने संपविली जीवनयात्रा
प्रतिनिधी शाहिद खान
जळगाव शहरातील उस्मानिया पार्क येथील विवाहितीने घरात गळफास घेऊन जीवनयात्रा संपविल्याचा धक्कादायक घटना बुधवारी सकाळी ७ वाजता समोर आली आहे. याप्रकरणी शहर पोलीस ठाण्यात अकस्मात मृत्यूची नोंद करण्यात आली आहे. सना तौसिफ मिस्तरी (वय२१) रा. उस्मानिया पार्क शिवाजीनगर असे मृत विवाहितेचे नाव आहे.
विवाहितेच्या नातेवाईकांनी दिलेल्या माहितीनुसार, सना तौसीफ मिस्त्री ही विवाहिता पती, आणि सासरे यांच्यासह वास्तव्यास होती. गेल्या दोन महिन्यापासून घरात कुटुंबी वाद सुरू होता. घरात होत असलेल्या कुटुंबिक वादासंदर्भात विवाहितेने तिचे वडील मजीद शेख सांगु यांना सांगितले होते. गेल्या चार दिवसांपूर्वीच सनाचे आपल्या आई -वडिलांची शेवटचे बोलणे झाले होते. मंगळवारी मध्यरात्री सर्व जण झोपलेले असतांना विवाहितेने राहत्या घरात गळफास घेऊन आत्महत्या केली. ही घटना बुधवारी सकाळी ७ वाजता उघडकीला आली. दरम्यान पतीस सासरच्या मंडळींच्या त्रासातून मुलींना आत्महत्या केली. असा आरोप विवाहितेचे वडील मजीद शेख सांडू व आई शबाना शेख सांडू यांनी पत्रकारांशी बोलताना केला आहे. सासरच्या मंडळी विरोधात गुन्हा दाखल करावा. अशी मागणी मुलीकडील नातेवाईकांनी केली आहे. शासकीय वैद्यकीय महाविद्यालयात माहेरकडील नातेवाईकांनी मोठी गर्दी केली होती. या घटनेबाबत शहर पोलीस ठाण्यात अकस्मात मृत्यूची नोंद करण्यात आली आहे. तपास पो.हे.कॉ रवींद्र सोनार करीत आहे.
