एमआयडीसी पोलिसांची मोठी कामगिरी; बंदूक दाखवुन लूटणाऱ्या चार संशयित अटक
प्रतिनिधी शाहिद खान
जळगाव शहरातील मध्यरात्री बंदुकीच्या धाकावर सहा संशयतांनी लुटमार केल्याची घटना घडल्यानंतर अवघ्या काही तासा एमआयडीसी पोलिसांनी चार संशयितांना बेड्या ठोकल्या आहेत. कुसुंबा येथील दोघांना सोमवारी लुटण्यात आल्यानंतर खळबळ उडाली होती मात्र पोलिसांनी तपासचक्रे गतिमान करीत आरोपींना जेरबंद केले.
अधिक माहिती अशी की, देवेंद्र श्यामराव काळे, (वय-३७) आणि त्यांचे मित्र शाह शाहिद शकील यांना बंदुकीच्या धाक दाखवत मारहाण करीत सोमवारी मध्यरात्री १२:३० वाजेच्या सुमारास लुटले होते. या घटनेत मोबाईलवर व रोख रक्कम अशा 22 हजार रुपयांची लूट करण्यात आली होती. मूळचे पुणे येथील देवेंद्र काळे सध्या कुसुंब्यमध्ये बाड्याच्या घरात वास्तव्यास आहे. याप्रकरणी एमआयडीसी पोलीस सात गुन्हा दाखल करण्यात आल्यानंतर पोलिसांनी तपासचक्रे फिरवत चौघे संशयीत निष्पन्न केले व ते जळगावच्या सुप्रीम कॉलनीतील असल्याची माहिती समोर आल्यानंतर त्यांच्या मुस्क्या बांधण्या आल्या.
एमआयडीसी पोलीस निरीक्षक जयपाल हिरे यांच्या मार्गदर्शनाखाली सहायक फौजदार अतुल वंजारी, किशोर पाटील, सतीश गरजे, छगन तायडे, किरण पाटील, साईनाथ मुंडे, मुकेश पाटील, राहुल रगडे, यांनी मंगळवारी रात्री सुप्रीम कॉलनीतील चौघांना अटक केली. पुढील तपास पोलीस उपनिरीक्षक अनिस शेख व रतिलाल पवार करीत आहे.
