अमळनेरात दुकानदारावर दगडफेक करीत रोकड लुटली
प्रतिनिधी शाहिद खान
अमळनेर: शहरातील मिठाई विक्रेत्याला शिवीगाळ करीत दुकानात दगड मारून दुकानदाराकडील रोकडसह मोबाईल ब्लूटूथ लांबवण्यात आल्याची घटना २४ डिसेंबर रोजी दुपारी अडीच वाजता घडली. या प्रकरणी एकाविरोधात गुन्हा दाखल करण्यात आला आहे.
अधिक माहिती अशी की, न्यू जेवरचंद नाथालाल मिठाईवाला दुकानाचे संचालक विशाल सुनील खेलोसिया ( वय- ३४) रा. शनी मंदिर न्यू प्लॉट अमळनेर, यांच्या तक्रारीनुसार २४ डिसेंबर रोजी दुपारी अडीच वाजता संशय तनवीर शेख मुख्तार (अमळनेर) याने दादागिरी करीत दुकानात प्रवेश करीत दगड भिरकावल्याने घळ्याच्या काच फुटला तसेच दुसरा दगड उगारात जीवे ठार मारण्याची धमकी देत खिशातील ४५० रुपयांची रोकड व १२०० रुपये किमतीचे ब्लूटूथ हिसकावुन पळ काढला. पुढील तपास पोलीस नाईक केलास पवार करीत आहे.
