ताज्या घडामोडी

सावद्यातील बखतपुरी गोसावी समाधीस्थळी विकास निधी मंजूर करा*

नगरसेवक राजेश वानखेडे यांची पालकमंत्र्यांकडे मागणी"

*सावद्यातील बखतपुरी गोसावी समाधीस्थळी विकास निधी मंजूर करा*

“नगरसेवक राजेश वानखेडे यांची पालकमंत्र्यांकडे मागणी”

सावदा प्रतिनिधी फरीद शेख

सावदा :- जळगांव जिल्ह्यातील रावेर तालुक्यात असलेल्या सावदा येथील पुरातन असलेले भाविकांचे श्रद्धास्थान असलेल्या तसेच स्वातंत्र्यपूर्व काळात स्वातंत्र्यलठ्याचे एक केंद्र असलेल्या येथील बखतपुरी गोसावी समाधी ट्रस्ट तथा सोमवारगिरी मढीस तीर्थक्षेत्राचा दर्जा मिळून तेथे विकासकामे व्हावी या मागणीसाठी येथील माजी नगराध्यक्ष तथा विद्यमान नगरसेवक राजेश वानखेडे यांनी जळगांव जिल्ह्याचे पालकमंत्री ना. गुलाबराव पाटील यांची भेट घेऊन त्यांना निवेदन सादर केले व येथे पन्नास लाखाचा निधी मिळवा अशी मागणी केली यावेळी पालकमंत्री यांनी देखील लवकरच सदर कामाची मंजूरी मिळण्याचे आश्वासन दिले.
येथील बखतपुरी गोसावी समाधी ट्रस्ट, सोमवारगिरी मढी पुरातन मंदिरा मध्ये दरवर्षी जयंती महोत्सव मोठ्या प्रमाणात साजरा होतो, सोबत यात्रा महोत्सव, व विविध धार्मिक कार्यक्रम होत असतात या जागृत देवस्थानावर श्रद्बा असलेले लोक पंचक्रोशीत नव्हे तर लांब लाबुन लोक दर्शासाठी येत असतात, मात्र येथे असलेल्या सोयीसुविधा तोडकया पड़त असल्याने नव्याने येथे तीर्थक्षेत्र विकासा अंतर्गत सोईसुविधा करून मिळाव्या अशी मागणी पालकमंत्री गुलाबराव पाटील यांना देण्यात आलेल्या निवेदनात करण्यात आली असून यासाठी पन्नास लाख रूपयांचा निधी मिळावा अशी मागणी या निवेदनात करण्यात आली आहे यावर नगरसेवक राजेश वानखेडे, नगरसेवक किशोर बेंडाळे, नगरसेविका मीनाक्षी कोल्हे, अतुल नेमाडे, महेश भारंबे, कुशल जावळे, किरण पाटील, हरीसिंग परदेशी आदिच्या स्वाक्ष-या आहेत. तर पालकमंत्री यांनी देखील सदर काम त्वरीत मंजूर करण्याचे आश्वासन यावेळी दिले आहे.

सदरील मंदिर स्वातंत्र्यापूर्वी काळातील असून याला धार्मिक व ऐतिहासिक महत्व असल्याने या ठिकाणी विकास होणे गरजेचे आहेत.

Share

Leave a Reply

Your email address will not be published. Required fields are marked *

Back to top button
सर्व हक्क मुख्य संपादक यांचे कडे असून त्यांच्या परवानगी शिवाय काहीही कॉपी करू नाही.
Close
Close