ताज्या घडामोडी

सांगोल्यात शेतकरी कामगार पक्षाला जबरदस्त खिंडार !

मिरज प्रतिनिधी महेश पवार पोलीस टाईम न्युज 24

सांगोल्यात शेतकरी कामगार पक्षाला जबरदस्त खिंडार !

*शरद पवार, अजित पवार व जयंत पाटील यांच्या उपस्थित शिवाजी बनकर, मधुकर बनसोडे व विजय राऊत यांचा राष्ट्रवादी काँग्रेसमध्ये प्रवेश*
—————————————-

सांगोला : विकास गंगणे-

सांगोला नगरपालिकेची निवडणूक अवघ्या काही दिवसांवर येऊन ठेपली असताना शेतकरी कामगार पक्षाचा बालेकिल्ला असणाऱ्या बनकरवाडी, राऊतमळा, माळवाडी, फुलेनगर व पुजारवाडी परिसरात शेतकरी कामगार पक्षाला जबरदस्त धक्का देत माजी नगरसेवक शिवाजी बनकर, विजय राऊत, माळी महासंघाचे राज्याचे कार्याध्यक्ष सोमनाथ राऊत, शिवसेनेचे माजी तालुकाप्रमुख तथा सांगोला तालुका शेतकरी सहकारी सूतगिरणीचे संचालक मधुकर बनसोडे, विद्यमान नगरसेविका रंजना बनसोडे, मेडशिंगी ग्रामपंचायतीचे सदस्य नितीन वसेकर, फुलाबाई बाबुराव वसेकर, ॲड. विक्रांत बनकर, ॲड. सोमनाथ नवले, इंजि. किशोर गोडसे, संजय गार्डे आदींनी शेतकरी कामगार पक्षातून राष्ट्रवादी काँग्रेसमध्ये जाहीर प्रवेश केला आहे.

राष्ट्रवादी काँग्रेसचे अध्यक्ष शरद पवार, राज्याचे उपमुख्यमंत्री अजित पवार, पक्षाचे प्रदेशाध्यक्ष जयंत पाटील, सोलापूर जिल्ह्याचे पालकमंत्री दत्तात्रय भरणे, यांच्यासह राष्ट्रवादी काँग्रेसचे प्रदेश उपाध्यक्ष मा. आमदार दिपक साळुंखे, जिल्हाध्यक्ष बळीराम साठे, आमदार बबन शिंदे, संजय शिंदे, यशवंत माने, ज्येष्ठ नेते राजन पाटील, उत्तम जानकर, भगीरथ भालके, सुरेश पालवे, लतीफ तांबोळी, सांगोला नगरपालिकेचे नगरसेवक नाथा जाधव, सांगोला नगरपालिकेचे गटनेते सोमनाथ लोखंडे, शहराध्यक्ष तानाजी पाटील आदींसह प्रमुख नेतेमंडळींच्या उपस्थितीत पुणे येथे हा प्रवेश संपन्न झाला.

संपूर्ण सांगोला शहर व तालुक्याचे लक्ष लागून राहिलेली सांगोला नगरपालिकेचे निवडणूक अवघ्या काही दिवसांवर येऊन ठेवली आहे. अशा परिस्थितीत शेतकरी कामगार पक्षाचा पारंपारिक बालेकिल्ला समजल्या जाणाऱ्या बनकरवाडी, राऊतमळा, माळवाडी, फुलेनगर व पुजारवाडी या परिसरातून या दिग्गज नेते मंडळींनी राष्ट्रवादी काँग्रेसमध्ये प्रवेश केल्याने शेतकरी कामगार पक्षाच्या आगामी नगरपालिकेची निवडणूक जिंकण्याच्या मणसुब्यांवर पाणी फिरले आहे. नगरपालिका असो किंवा विधानसभा निवडणूक हा परिसर शेतकरी कामगार पक्षासाठी नेहमीच अभेद्य असा बालेकिल्ला ठरला आहे, या परिसरातून शेतकरी कामगार पक्षाच्या उमेदवारांना नेहमीच विक्रमी मताधिक्य मिळत होते. याच बळावर शेतकरी कामगार पक्षाने आजवर सांगोला शहराच्या राजकारणात निर्विवाद वर्चस्व प्रस्थापित केले होते. अखेर शेतकरी कामगार पक्षाचा हा अभेद्य किल्ला असणाऱ्या परिसराला सुरुंग लागल्याने आगामी नगरपालिका निवडणुकीत याचा प्रस्थापित शेतकरी कामगार पक्षाला प्रचंड मोठा फटका बसणार आहे. दुसरीकडे शेतकरी कामगार पक्षाइतकीच शहर व तालुक्यात ताकद असणार्‍या राष्ट्रवादी काँग्रेसला मात्र याचा चांगलाच फायदा होणार आहे. केवळ सांगोला नगरपालिकाच नव्हे तर येणाऱ्या पंचायत समिती जिल्हा परिषद व विधानसभा निवडणुकीतदेखील या प्रवेशाचा फायदा राष्ट्रवादी काँग्रेस पार्टी ला होणार आहे.

राष्ट्रवादी काँग्रेसमध्ये प्रत्येकाचा सन्मान राखला जाईल – माजी आमदार दिपक साळुंखे-पाटील

शेतकरी कामगार पक्षातून ज्या नेतेमंडळींनी आपल्या नेतृत्वावर विश्वास ठेवून राष्ट्रवादी काँग्रेसमध्ये प्रवेश केला आहे त्या विश्वासास कधीही तडा जाणार नाही शहरासह संपूर्ण तालुक्याच्या सर्वांगीण विकासास आपण सदैव कटिबद्ध राहू, आलेल्या प्रत्येक नेतेमंडळी व कार्यकर्त्यांचा राष्ट्रवादी काँग्रेसमध्ये यथोचित सन्मान राखला जाईल व त्यांना न्याय दिला जाईल, असे माजी आमदार दिपक साळुंखे – पाटील म्हणाले.

नगरपालिका निवडणुकीत ताकद दाखवून देऊ – शिवाजी बनकर

गेल्या अनेक वर्षांपासून सांगोला शहर व तालुक्यात शेतकरी कामगार पक्षाची प्रामाणिकपणे सेवा केली. पक्षनेतृत्वाने कधीही आपल्या प्रयत्नांची कदर केली नाही. म्हणून सांगोला शहर व तालुक्याच्या सर्वांगीण विकासासाठी मा.आम. दिपकआबा साळुंखे पाटील यांच्या नेतृत्वावर विश्वास ठेवून आपण राष्ट्रवादी काँग्रेसमध्ये प्रवेश केलेला आहे. आगामी नगरपालिका निवडणुकीत आपण आपल्या सहकाऱ्यांसह आमची ताकद शहर व तालुक्याला दाखवून देऊ, असे सांगोला नगरपालिकेचे माजी बांधकाम सभापती शिवाजी बनकर म्हणाले.

Share

Leave a Reply

Your email address will not be published. Required fields are marked *

Back to top button
सर्व हक्क मुख्य संपादक यांचे कडे असून त्यांच्या परवानगी शिवाय काहीही कॉपी करू नाही.
Close
Close